E aquí tendes a postal gañadora!!
Parabéns Xián 👏👏
Dende o Equipo de Dinamización da Lingua Galega desexámosvos Bo Nadal e Feliz Ano 🌠✨
E como di a postal de Xián, confiemos en que
"O 2021 será mellor"🍀
E aquí tendes a postal gañadora!!
Parabéns Xián 👏👏
Dende o Equipo de Dinamización da Lingua Galega desexámosvos Bo Nadal e Feliz Ano 🌠✨
E como di a postal de Xián, confiemos en que
"O 2021 será mellor"🍀
Que sorpresa levamos cando o venres chegamos ao cole.
Pola noite o Apalpador pasou por Lavacolla e deixou en cada aula unha carta, unha presa de castañas e un agasallo para cada nen@.🎉🎁
Grazas 😊
Aínda que leva unha semana chovendo, non podiamos quedar sen saír a cantalos reis e repartir postais aos veciños e veciñas da Esquipa!🎅🎄
É o tempo de comezar a ensaiar panxoliñas e cantares para saír a cantalos reis.🎍🎄🎅🎵
Aquí tendes algunhas...
Coñeces o Apalpador?
É un carboeiro que baixa das montañas do Courel na noite do 24 ou 31 de decembro para visitar as casas d@s nen@s. Cando están durmindo, apálpalles a barriga para ver se comeron abondo durante o ano. Déixalles unha presada de castañas e ás veces un agasallo feito de madeira. Tamén lles desexa que teñan un ano cheo de felicidade e fartura, murmurándolles "así estexas todo o ano.
Neste vídeo, Fina de Ferramulín cóntalle ao escritor Sechu Sende quen era o Apalpador.
Neste 25 de Novembro e tódolos días do ano berramos "Non á violencia machista" e pensamos en
MIL MANEIRAS
de ser
MULLER😍💜
Neste día lemos nas aulas este poema da mestra do noso cole, Carmen Sampedro que levou o 1º Premio no Certame "Cores con palabras" (A Estrada, 2019). Parabénssss!!!👏👏
NON QUERO
Como bolboretas sen ás, sen aire
coa boca pechada, encadeada ao silencio...
co medo ancestral, sometida ao teu cariño baldío
sentíndome invisible para o mundo.
Sacias a túa sede coas miñas bágoas,
o meu sangue alimenta o teu ego,
son unha sombra da túa covardía.
Que fago mal para que me castigues?
Se teu amor é dor, non quero amarte.
Non quero dixen!!!
Non quero berrei!!!
Quero vivir sen a culpa impresa no meu rostro.
Quero romper as cadeas que me aprisionan.
Quero voar, quero rir, quero soñar...
Eu son grande, eu son forte, eu son muller.
E dígoche: NON QUERO!!!
Coñeces os colares de zonchos?
Rosalía de Castro escribe no seu libro Cantares Gallegos
"has de cantar
que che hei de dar zonchos
has de cantar
que che hei de dar moitos"
Unha tradición da nosa terra é a dos colares de zonchos, isto é, castañas cocidas coa pel e cunha agulla e un cordel enfiadas facendo un colar. Antigamente facíanse como amuletos para poñerllos aos nenos/as os días 1 e 2 de novembro.
Anímaste a facer un?
Este venres celebraremos no cole a festa do Magosto. A raíña desta festa é a castaña. Esta froita contén vitamina C, potasio, ferro, fósforo, iodo e calcio. Así que preparádevos para comer unha chea delas!
E co bandullo cheo podedes cantar:
"Non chas quero, non chas quero
castañas do teu magosto
non chas quero, non chas quero
que me cheiran ao chamosco".
Aquí vos deixo outra cantiga de Xavier Blanco para que bailedes e cantedes:
Mirade cantos debuxos de Monstros se presentaron ao concurso👏
Cal será o elixido? En breve saberémolo😀
I Concurso de Debuxo de monstros e de Relatos de medo.
👻💀👾🎃
Se queres participar, aínda estás a tempo. Buleeeee!!
Onte foi o Día Internacional das mulleres rurais. Un día no que lembramos e recoñecemos a tódalas mulleres que viven no rural como motor esencial da vida social, cultural e económica do noso país.
Xa estamos de volta! Despois de moitos meses sen vernos, voltamos con moitas ganas de compartir proxectos, experiencias, momentos...!👏👏