Serás capaz de descubrir que lugar de Galicia se corresponde con cada número. O primeiro é Boimorto, agora segue ti!
Veña, a darlle á cachola!!!!
Se descubres algún podes escribir un comentario no final desta publicación.
martes, 31 de marzo de 2020
Reto da Raposa Fedella
Dende a Cidade da Cultura propóñennos o seguinte reto: a Raposa Fedella precisa da nosa axuda. A Biblia Kennicott desapareceu! É unha das obras máis importantes da exposición Galicia, un relato no mundo do Museo Centro Gaiás e ten un valor incalculable.
Quéreslle axudar á Raposa Fedella? Entra no seguinte enlace e resolve os enigmas.
luns, 30 de marzo de 2020
Pankdemia - Peter Punk Paiaso
Que o humor nunca deixe de estar presente. A rir co paiaso Peter Punk!!
Anacos da memoria
Foi no Outono do 1918 cando a segunda vaga da pandemia chegou a Galicia deixando 25.000 mortes en apenas dous meses. Era a denominada gripe española.
Rianxo foi un dos pobos onde máis estragos causou a epidemia gripal. A xente atopábase sen médicos nin medicamentos, nin medidas de hixiene...
Ante tan alarmante situación, un dos médicos que se presentou en Rianxo para auxiliar aos seus veciños foi Alfonso R.Castelao. El facía anos que renunciara á Medicina tras sufrir un desprendemento de retina que case o deixa cego. Mais cando coñeceu a situación da súa vila natal, foi prestar os seus servizos como médico. A sua axuda voluntaria fíxolle recibir moitos eloxios por parte da veciñanza.
"Ao pobo de Rianxo, ameazan días de
horrenda miseria. Minguada en case a
metade da colleita do millo por efecto das
excesivas calores estivais, sen traballo a
clase obreira, esgotada a gran mina da
Ría por unha explotación infame, negra,
moi negra!, será a sorte das clases pobres
no inverno que se aveciña".
Texto escrito por Castelao e publicado no Xornal
"Eco de Galicia" (08-12-1917)
A información deste artigo foi recollida do blog caminhoesquecido.art.blog
sábado, 28 de marzo de 2020
Día Mundial do Teatro
Como onte foi o Día Mundial do Teatro, deixámosvos unha peza teatral, "Fatal, falta Tafal", da compañía Fantoches Baj que ía ser estreada no Salón do Libro de Pontevedra. Como as circunstancias nos impediron visitalo, podemos acceder ao Salón virtual e disfrutar coas cantigas, contos... porque o humor e o teatro son moi necesarios nestes días.
www.salondolibro.gal/salon-virtual/
martes, 24 de marzo de 2020
Día Mundial da Poesía
Como o pasado sábado 21 de Marzo foi o Día Mundial da Poesía e tamén comezou a primavera, quixemos celebralo compartindo con vós estes versos en flor.
Disfrutádeos e lede poesía que senta moi ben!💗
xoves, 19 de marzo de 2020
CANTAMOS EN GALEGO
No
terceiro trimestre teremos no cole un mini festival onde o alumnado de
cada aula cantará unha canción dalgún grupo ou cantante galeg@.
Deixámosvolas aquí para que vaiades ensaiando.
4º ED. INFANTIL
5º ED. INFANTIL
6º ED. INFANTIL
1º ED. PRIMARIA
2º ED. PRIMARIA
5º ED. INFANTIL
6º ED. INFANTIL
1º ED. PRIMARIA
2º ED. PRIMARIA
Subscribirse a:
Publicacións (Atom)