Rematamos o curso con esta festa chea de cores, na que reafirmamos o sentimento de orgullo sobre as orientacións sexuais e identidades de xénero tradicionalmente reprimidas.
Pintamos as nosas camisetas coas cores
da bandeira LGTBIQ+ 😍
Mirade que fermosura!💖
O venres 20 de maio tivemos dobre festa no cole. Festexamos o Día das Letras Galegas recordando a Florencio Delgado Gurriarán. O alumnado de todo o centro leu poemas deste poeta.
Tamén fixemos a festa do Maio 🌷🌹🌸🌼🌻🌺 Xuntamos fiuncho, xestas, flores... e fómolo colocando con moito coidado. Mirade que fermoso quedou!😍
Pra facer o maio temos que coller
un feixe de flores e algo que dizer.
Esperta maio que tanto durmiche
pasou o inverno e non o sentiche.
Apetéceche participar no concurso de cartaces para anunciala?
O 23 de abril foi o Día do Libro 📚
Nesa semana no Xixirei tivemos convidadxs especiais💖
A ilustradora Sara Valcárcel contoulle ao alumnado de Infantil, 1º e 2º porque comezara a debuxar e con ela fixeron uns marcapáxinas chulísimos.
O alumnado de 3º e 4º contou coa visita do ilustrador Óscar Villán.
E o alumnado de 5º e 6º tivo a sorte de coñecer ao debuxante de banda deseñada, Fran Bueno.
Que artistas 👏👏
O 1 de abril é o Día das artes galegas. Este ano o homenaxeado é Laxeiro. Despois de ler sobre a súa vida e botarlle un ollo a algunhas das súas obras, saímos ao patio para pintar coma el.
Da man de COMPIGUAL, Compostela pola Igualdade de xénero, o alumnado de todo o cole participou en talleres que tiñan como obxectivo fomentar valores positivos de igualdade entre mulleres e homes e tamén a prevención da violencia machista.
Neste Día Internacional da Muller, o alumnado e profesorado do Xixirei camiñamos para reivindicar os dereitos das mulleres e unha igualdade efectiva.
Tamén coñecemos a historia de vida dalgunhas mulleres que conseguiron abrirse un oco na sociedade tendo que superar unha chea de atrancos.
ADIARATOU IGLESIAS, FRIDA KAHLO, GRETA THUNBERG, YAYOI KUSAMA, LANA E LILLY WACHOWSKY...
O 8 de marzo as nenas e nenos de 6º de Infantil saíron no programa da TVG Fun polo aire falando das súas mamás.
Dá gusto escoital@s!👏👏
Preme aquí para velo
Que sorpresa levamos cando escoitamos o son das chocas no patio da escola.
Dende Verín achegouse un cigarrón ao cole. Engalanado co seu traxe correu pola escola batendo a súa zamarra. Houbo quen tivo algo de medo pero ao descubrir que era o profe Alfonso quen estaba debaixo daquela carauta, xa nos achegamos a el confiad@s.
O venres de Entroido fixemos festa no cole.
Lucimos os nosos disfraces, bailamos ao son das Tanxugueiras, comemos chocolate con orellas... e rematamos a festa queimando a Meca polos seus mandatos de toda a semana.
 |
Achégase o tempo de Entroido, Antroido, Entrudo...
de buscar no faiado as perrucas, carautas...
de comer as orellas, filloas, cocido...
de brincar, correr... ao son do folión!🎉
PELIQUEIROS, PANTALLAS, VOLANTES, XENERAIS, FELOS, CIGARRÓNS, BOTEIROS, MÁZCARAS, FOLLATEIROS, BONITAS, MADAMAS E GALÁNS, O OSO, O VELLO DOS CORNOS, O DEMO ... e moitos máis saen nestas festas!
Onte, 23 de febreiro celebramos o Día de Rosalía.
Sabiades que o pensamento era a flor preferida de Rosalía?
No cole temos un pensamento no que escribimos as palabras que aparecen nos seus poemas.
Parabéns ás Tanxugueiras por esa fantástica actuación no Benidorm fest.
Foi todo un éxito! Que orgullo para a nosa música e a nosa cultura!
NON HAI FRONTEIRAS! 👏👏
O pasado 2 de Febreiro foi o Día da Candeloria.
Sabiades que esta celebración vén de moi antigo? Representa o renacer da natureza pola proximidade da primavera. Dise que é o tempo no que casan os paxaros.
"Cando a Candeloria chora, medio inverno vai fóra, que chore, que deixe chorar, metade do inverno está por pasar".
